بعد هولوكوست غزة وبعد مجزرة بيت حانون وبعد مذابح الكيان الصهوينى فى فلسطين, الغاز المصري بدأ فى الوصول الى اسرائيل وايه كمان ولمدة 20 سنه .. يانهار طين لمدة 20 سنه.
أنا لا أصدق ما يحدث احاول ان أفهمه أو ابلعه لكنى مش قادر .. يقولون ان الموضوع عادى جدا ,ده موضوع تجاري بحت يعنى اقنصاد ومكسب ومزايا . هو يعنى المكسب والمزايا مش موجودين بس إلا فى اسرائيل . البلاد كتير والعباد كتير وفيه برد جامد قوى فى بلاد جامده قوى ومحتاجه الغاز وممكن تدفع اكتر .
ياجماعة حد يفهمنى ما هى المكاسب الرهيبة اللى ممكن نحصل عليها من بيع الغاز الطبيعي المصرى لإسرائيل , ما هى المميزات اللى ممكن إسرائيل تقدمها لمصر بسبب هذا الود الغازى.
انا أسال سؤال : إيه اللى يضمن إن اسرائيل مش هتستخدم الغاز المصرى فى تظبيط محرقه شيك لشواء اللحم الفلسطينى فى المستقبل .. ألم يصرح نائب وزير الحرب الإسرائيلي بإن إسرائيل ستحول غزة الى محرقة كبيرة إذا لم يتوقف اطلاق الصواريخ من قطاع غزة.. قولي يتخال مين يضمن ولاد الـ... دول.
03 مايو, 2008 01:17 م